Baraza la usalama la Umoja wa
Mataifa jana lilikubali kutumwa kwa kikosi cha uingiliaji ili kuchukua hatua za
kijeshi dhidi ya makundi ya waasi nchini Jamhuri ya Kidemokrasia ya Kongo.
Nchi 15 wajumbe wa baraza hilo lilipitisha
azimio la kuanzishwa kwa kikosi hicho chini ya utaratibu wa tume ya Umoja wa
Mataifa nchini Jamhuri ya Kidemokrasia ya Kongo MONUSCO.
Kwa mujibu wa azimio hilo muda wa
kikosi hicho ni mwaka mmoja, na kazi yake itakuwa ni kupambana na makundi yenye
silaha na kupunguza tishio la makundi hayo kwa serikali ya nchi hiyo na usalama
wa raia.
Kikosi hicho kitakachoongozwa moja
kwa moja na MONUSCO kitakuwa na batalioni tatu, na makao makuu yake yatakuwa
mjini Goma.
Tarehe 5 Machi katibu mkuu wa Umoja
wa Mataifa Bw Ban Ki-moon alitaka kiundwe kikosi cha uingiliaji ili kukabiliana
na tishio la usalama na amani mashariki mwa Jamhuri ya Kidemokrasia ya Kongo.
