........................................................................................................................................
Na Nathan Mtega,Songea.
BALOZI wa china nchini Tanzania Lu Younqing ambaye yupo
mkoani Ruvuma kwa ziara ya siku tatu ameahidi kuleta wawekezaji zaidi na
watalaamu wengi katika sekta ya kilimo cha mahindi ili kulifanya zao hilo
liwe la kibiashara linalozalishwa kwa
njia ya kilimo cha kisasa zaidi na kuwafanya wakulima wa zao hilo kujikwamua
zaidi kichumi .
Ahadi hiyo aliitoa wakati wa siku ya kwanza ya ziara
yake alipokuwa akikagua mashamba mbalimbali ya kilimo cha mahindi ambacho
kinachofanywa na wakulima wa zao hilo latika
jimbo la Peramiho mkoani Ruvuma .
Katika ziara hiyo ya balozi Lu Younqing alitoa misaada
mbalimbali kwenye vikundi vya kijamii na wakulima vilivyopo katika jimbo la
Peramiho ikiwemo shule ya sekondari ya Namihoro iliyopo katika kijiji cha
peramiho wilayani Songea mkoani Ruvuma.
Vikundi hivyo vilivyopata msaada huo ikiwemo sekondari ya Namihoro iliyopewa shilingi
milioni 10 ili kuendeleza elimu katika shule hiyo ,kikundi cha wakina mama
wajasiriamali kilipewa vyerehani 20 ili
wajikwamue kiuchumi na baiskeli 20 kwa viongozi wa jumuiya ya vijana wa CCM wa
kata zote za jimbo hilo la Peramiho.
Aidha balozi huyo
kabla ya kuhitimisha ziara yake hiyo ya siku tatu atatembelea pia mashamba ya
kilimo cha kahawa yaliyopo katika wilaya ya Mbinga mkoani Ruvuma ili kubaini
changamoto zinazokabili kilimo hicho na kuwa akielekea wilaya ya Mbinga amepita
kwenye barabara ya kiwango cha lami iliojegwa na nchi ya China kwa ushirikiano na serikali ya Tanzania.
Ziara hiyo ya balozi
wa China kutembelea mkoa wa Ruvuma umekuwa ni mwaliko rasmi wa mbunge wa jimbo
la Peramiho kwa tiketi ya chama cha mapinduzi
Jenista Mhagama ambaye aliwataka wananchi wa jimbo hilo kutumia fursa
hiyo ya ujio wa balozi huyo kwa kufanya kazi zaidi katika kilimo kwa sababu
balozi huyo ameahidi kulifanya zao la mahindi kuwa zao la kibiashara.
Alisema kuwa kilimo
cha kisasa ndicho kinachoweza kuwakwamua zaidi kuichumi na kuondokana na wimbi
la umasikini linalowakabili pia aliwataka wananchi kutumia fursa hiyo na
misaada iliyotolewa kwao na balozi huyo kama
changamoto kwao katika kujikwamua kiuchumi na kupambana na umasikini uliopo.
