Kamanda wa polisi wa mkoa wa Manyara,Akili Mpwapwa
NA Gladness mushi,Manyara
JESHI
la polisi Mkoani Manyara linamtafuta mfanyabiashara wa madini ya
Tanzanite wa Mji mdogo wa Mirerani Wilayani Simanjiro Mkoani Manyara
Lawi Abayo (33) anayedaiwa kumpiga risasi ya kichwa askari polisi na
kumuua.
Akithibitisha
tukio hilo Kamanda wa polisi wa mkoa wa Manyara,Akili Mpwapwa alisema
Abayo anadaiwa kumpiga risasi ya kichwa askari wa kituo cha polisi
Mirerani PC Joseph Tairo G.7037 wakati akimpeleka mhalifu kituoni.
Alisema
askari huyo alifariki juzi baada ya kupigwa risasi Aprili 7 mwaka huu
wakati alipomkamata mhalifu aliyekuwa anafanya vurugu kwenye baa ya
Kazamoyo Reasort (Kwa mdava) na kuanza kumpeleka kituo cha polisi
Mirerani.
Alisema
baada ya kutembea naye kama mita 20 kutoka kwenye baa hiyo ndipo Lawi
akiwa na gari jeusi aina ya Prado akashuka ghafla na kumpiga risasi ya
kichwani askari wetu na kisha akamchukua huyo mhalifu na kuondoka naye.
“Baada
ya kupigwa risasi kwa askari huyo aliyekuwa na mwenzake PC Martin G
G.8523,alipelekwa kwenye kituo cha afya Mirerani kisha hospitali ya
rufaa ya KCMC mjini Moshi na kuhamishiwa Muhimbili alipofia,” alisema
Mpwapwa.
Alisema
wanaendelea kumtafuta mtuhumiwa huyo anayedaiwa kumpiga risasi askari
huyo na hadi hivi sasa wanashikilia gari aina ya Prado lenye namba T671
ATK lililotumika kufanya tukio hilo na kumkimbiza Abayo.
Alitoa
wito kwa wote watakaomuona Abayo watoe taarifa kwa polisi kwani
inadaiwa alikimbilia kati ya jijini Dar es salaam,Musoma na Rorya mkoani
Mara au Kisumu na Nairobi nchini Kenya.
