Toka
kulia ni Bw. Balthazali Nyamusya Mhifadhi Kiongozi Makumbuaho ya Taifa
Maji Maji Songea akitoa historia ya vita ya Maji Maji kwa mmoja wa
wageni waliotembela hapo ambaye ni Bw.Likati thomas pia ni graphic designer wa daraja
Sehemu
hii ndipo walipokuwa wananyongewa mashujaa wa vita vya Maji Maji, mmoja
mmoja alikuwa anapandishwa kwenye kitanzi kisha kunyongwa, Awali hapa
palikuwepo na mti ambao ulitumiwa lakini kutoka na mti huo kuzeeka
ulianguka na leo hii umejengwa mnala kama kielelezo husika.
Mmiliki
wa demashonews akiwa katika jumba lenye vifaa mbalimbali vya historia
ya Maji Maji ambavyo mashujaa walitumia kupigania, Viafaa hivi vipo
vimehifadhiwa katika jumba la makumbusho.
......................................................................
Kupitia
Sherehe za kila mwaka za Kumbukumbu ya Mashujaa zenye kauli mbiu ya Mkoa (Mji wa Kihistoria na Kishujaa) ambazo
zilibadilika na kuwa tamasha la utalii
wa Kitamaduni la Kitaifa la siku tatu yaani tarehe 25-27 Februari ya kila
mwaka.
Wakazi wa Mkoa wa Ruvuma wameanza
kuhamasika kutembelea Makumbusho haya baada ya kujifunza kutokana na matamasha
yanayofanyika kila ifikapo Februari 25-27. Wamebadilisha fikra zao na kuona
kuwa Makumbusho si mahala tu pa kuhifadhi vitu vya kale na visivyo na maana bali
. “ Makumbusho” kama kituo cha
elimu. Mtu atembeleapo Makumbusho anaona
mambo mengi ambayo anaweza
kujifunza.
Bw.
Balthazali Nyamusya ambaye ni Mhifadhi Kiongozi Makumbuaho ya Taifa
Maji Maji Songea akizungumza na mwandishi wa demashonews amesema kuwa
makumbusho haya ni kituo cha elimu kwani wageni mbalimbali toka ndani
ya nchi na nje ya nchi hufika mahala hapa kujifunza juu ya historia ya
vita vya majimaji.
Pia wanafunzi hutembelea
Makumbusho kama ziada ya elimu ya kiada wapatayo mashuleni, wale wa sekondari
na vyuo hutembelea Makumbusho na kufanya kazi miradi na tafiti.
"Nachukua fursa hii kuwaalika wageni toka mataifa mbalimbali wakiwemo wananchi
wote na wenyeji wa Mkoa wa Ruvuma
wazidi kutembela Makumbusho haya , hivyo kuenzi urithi wa utamaduni wetu
hususani kumbukumbu za vita hivi vya Kihistoria kusini mwa Jangwa la Sahara,
vita iliyohusisha jamii nyingi ambazo kwa nguvu moja na moyo wa uzalendo
walipambana kupinga utawala wa mkoloni wa Kijerumani".
Makumbusho
haya ya Maji yalianzishwa na kufunguliwa Rasmi tarehe 06 Julai 1980. Lengo
kuu la kuanzisha Makumbusho haya ni
kutunza kumbukumbu ya historia ya vita vya Maji Maji vya (Julai 1905-Agosti
1907) yalijengwa mahali ambapo Mashujaa wetu wa Vita vya Maji Maji hususani kutoka Mkoa wa Ruvuma
Walizikwa.
Katika
eneo hili la mashujaa maarufu kama (Hero-
square) kuna makaburi mawili ya Mashujaa wetu; Moja
ni lile la Halaiki ambamo zaidi ya watu 60 walizikwa baada ya kunyongwa. Mashujaa hawa walionyongwa siku ya
27/2/1906 na pia kaburi jingine lilopo pembeni yake ni la Nduna (Sub-Chiesf)
Maarufu Songea Mbano ambaye hata mji wa Songea ulibatizwa kwa jina lake.
Sehemu
hii ni muhimu sana katika historia ya nchi yetu na Dunia kwa ujumla kwani
imebeba historia ambayo inatukumbusha chimbuko la Mwafrika-Mtanzania kutambua
na kupinga ukoloni na kutawaliwa, kiasi ambacho kilipelekea kuwagharimu Maisha
yao katika Vita vya Maji Maji. Kwa takwimu ambazo zipo mpaka leo inaonyesha
zaidi ya ya Watanzania 75,000 walipoteza maisha katika ukanda wa
kusini-Mashariki maeneo ambayo vita vilipiganwa na 1,000 miongoni mwao
wakitokea katika Mkoa wa Ruvuma.
Hapana shaka kwamba vita vya Maji Maji ni kumbukumbu
muhimu katika historia ya Tanganyika inayostahili kuheshimiwa na yeyote
anayethamini utu, haki, heshima na usawa . Vita vya Maji Maji ni kielelezo
halisi cha Watanzania kukataa utawala wa kikoloni.
Karibu Ruvuma karibu Tanzania.
.....................................................
...........................
.................
............
