Na Nathan Mtega,Songea
WATU sita wamenusurika
kifo baada ya gari waliokuwa wakisafiria kutoka Songea kuelekea jijini Mbeya
kupinduka katika eneo la Madaba wilayani Songea mkoani Ruvuma
na kusababisha watu hao kujeruhiwa na kukimbizwa katika kituo cha afya cha
Madaba kilichopo wilayani Songea.
Kwa mujibu wa
mashuhuda wa ajali hiyo walimuambia mwandishi wa habari hii kwa njia ya simu kuwa ajali hiyo
ilitokea Aprili 21 mwaka huu majira ya saa 3 asubuhi ambapo gari aina ya NOAH
yenye namba za usajili T 627 BUX iliyokuwa ikiendeshwa na dereva Joel
Mwakopisya(57) mkazi wa Mbeya
lilipinduka katika eneo hilo na kusababisha majeraha kwa watu sita .
Aidha taarifa kutoka katika kituo cha afya cha Madaba wilayani Songea imewataja
majeruhi waliofikishwa katika kituo hicho kuwa ni Erika Kihwanja(79) ambaye
alikuwa anatolewa katika hospitali ya rufaa ya mkoa wa Ruvuma kupelekwa jijini
Mbeya ambae alizimia baada ya tukio hilo na wengine ni Obadia Mwaikosya(55),Grace
Daud(29), Luth Joseph(19) na Joshua Said(10) mwanafunzi wa darasa la tatu
latika shule ya msingi De Paul ya mjini Songea.
Aidha majeruhi watano
wameletwa katika hospitali ya rufaa ya mkoa wa Ruvuma ambapo kwa mujibu wa
Kaimu mganga mkuu mfawidhi wa hospitali hiyo Dkt Mahtew Chanangula aliwataja Grace
Daud na Erika Kihwanja kuwa ndiyo wenye halimbaya na Kamanda wa polisi wa mkoa
wa Ruvuma Deisdedit Nsimeki amethibitisha kutokea kwa ajali hiyo na kuhahidi
kutoa taarifa zaidi baada ya uchunguzi kufanyika.
Chanzo; www.demashonews.blogspot.com
